بقلم المستشار/ محمد زهران -
المحامى
مؤسسة زهران للمحاماه والاستشارات
القانونية
القاهرة – 8 يونيه 2020
"ارفعى
نفقة اطفال " .... لا لا" ارفعى نفقة زوجية " .... أو لا استنى " اعملى اجر حضانة
ومسكن " ..أو اقولك " مصاريف دراسية " ...لا مالكيش حل " شوفيلك محامى يساعدك
"
جمل كتير زى ديه الأم بتسمعها من كل اللى حوليها
أو بتقرأها فى الجروب هنا أول لما يبقى فيه خلافات بينها وبين جوزها وبتبقى الأم
محتارة تعمل ايه وايه هى حقوقها وايه الحاجات اللى ينفع ترفعها قبل الطلاق وايه
الحاجات اللى بعد الطلاق لا قدر الله
خلينا بقى نتكلم النهاردة عن النفقة وإيه هى أنوعها ومتى تستحق هذه النوعية من النفقة ( قبل الطلاق ولا بعد الطلاق ) وايه الفرق بين النفقات والأجور.
قبل ما نبدأ فى الشرح خلينا الأول نعرف يعنى إيه نفقة ويعنى إيه أجر ونفرق
ما بينهم
- النفقة هي ما يقوم بدفعه الزوج/الأب لزوجته
أو طليقته أو أولاده حيث أن الشرع أقر حق النفقة
للزوجة على زوجها نظير احتباسها فى عصمته وايضا حق النفقة للاطفال على والدهم .
- الأجور
هى ما يقوم الأب بدفعه لأم أولاده نظير عمل تقوم به لصالح الصغار .
وعليه
فإنه طبقا للقانون ان النفقات والأجور 13 نوع وبيانهم كالتالى:-
(( نفقة زوجية – نفقة صغار بنوعيها – نفقة عدة –
نفقة متعه – نفقة تعليم – نفقة علاج –
نفقة حمل مستكن – نفقة ولادة – بدل فرش
وغطا – أجر حضانة – أجر مسكن – أجر رضاعة – أجر خادمة ))
طيب ملحوظة كده على السريع:---
أوعى
ترفعى نفقة الصغار بأنوعها الثلاثة (مأكل وملبس ومسكن )
ولكن ارفعيها بنوعيها ( مأكل وملبس )
وخلى
اجر المسكن لوحده فى قضية منفصلة
ملحوظة تانية على السريع :---
النفقات
بتثبت للزوجة أو المطلقة.
الأجور
تثبت للمطلقة فقط .
الإجراءات القانونية لرفع دعاوى النفقة:-
1-
تتقدم الأم بطلب النفقة المطلوبة الى مكتب تسوية المناراعات الأسرية داخل محكمة
الأسرة قبل رفع الدعوى .
2-
جهزى صور من المستندات التالية ( صورة قسيمة الزواج أو الطلاق – صورة من شهادة
ميلاد الصغار- صورة البطاقة الشخصية .
3-
هايتحددلك موعد للمناقشة مع الخبير النفسى والاجتماعي والقانوني علشان محاولة
التسوية الودية
4-
اذا لم يتم تسوية ودية تبدأى تعملى عريضة الدعوى الخاصة بنوع النفقة اللى عايزاها
وبتبقى موجودة فى مكتب المساعدة القانونية ولكن الأصل طبعا توكيل محام (( المكتب عندنا بيقدم هذه النوعية من القضايا بأسعار زهيدة تقديرا للحالة المادية لكي سيدتى)) مؤسسة زهران للمحاماه والاستشارات القانونية
5-
نرفع الدعوى بتاعتنا ونعمل اعلان للخصم ونطلب فى أول جلسة التصريح بالتحرى عن صافى
دخل المدعى عليه الشهرى علشان القاضى يعرف المدعى عليه هايقدر يدفع نفقة قد أيه
ده
تقرير كامل عن طرق اثبات دخل الزوج
https://zahranlawfirm.blogspot.com/2020/06/5.html
6-
القاضى بيحجز القضية للحكم لو جهزت امامه وبيصدر فيها حكم .
7-
بنعمل استئناف وغالبا المدعى عليه هو كمان بيعمل استئناف وبيتم ضمهم وبيتحكم فيهم
معاً وهذا الحكم بيكون هو الحكم النهائى الملزم للمدعى عليه .
8-
بناخد الحكم وناخد عليه الصيغة التنفيذية ((مهم جدا جدا جدا اننا نحافظ عليها
ماينفعش تضيع مننا ))
9-
مبروك عليكى الحكم ..... نروح بقي ننفذ الحكم .... اذا كان الأب بيعمل فى جهة عمل ثابتة بنروح نقدم الصيغة التنفيذية
علشان جهة العمل ديه هى اللى تسلمنا النفقة الشهرية المطلوبة ولو لم يكن يعمل فى مكان ثابت تقدرى تاخدى وتحصلى النفقة المحكوم لكي بها بكافة الطرق الممكنة وهانبقى نوضح تباعا ايه هى الاجراءات
واشهرها بنك ناصر الاجتماعى .
لو
عايزة تعرفى أى معلومة قانونية ممكن تشوفيها على الموقع ده
https://zahranlawfirm.blogspot.com
لأى استشارات قانونية ممكن تكلمونى على رقم 01018996661 موبيل + واتس
اب
أو شرفونا فى مكتبنا " مؤسسة زهران للمحاماه والاستشارات القانونية / فى 61 شارع رستم – تقاطع شارع عبد الرحمن – برج الشروق – الدور السادس – حلوان
