بقلم المستشار/ محمد زهران -
المحامى
مؤسسة زهران للمحاماه والاستشارات
القانونية
القاهرة – 8/7/2020
"روحى
اخلعيه " ...... " انا هاخلعك " ..... " عايزة ارفع خلع
"
كلنا تقريبا بنسمع الجمل ديه دلوقتى طيب تعالوا بينا نعرف ايه هو الخلع وايه شروطه
وايه الاجراءات فى المحكمة وايه الحاجات اللى لازم نعملها علشان نحصل على قسيمة
الطلاق خلعا
الخلع
هو من أشهر أنواع الطلاق الآن وأسهلهم فى الاجراءات وأسرعهم فى وقت التقاضى وهو حق
للزوجة المدخول بها أو غير مدخول بها والحكم اللى بتحصل عليه الزوجة هو حكم نهائى
غير قابل للطعن عليه .
===================================
ملحوظة كملى للآخرعلشان تعرفى ايه هى اجراءات رفع الدعوى
===================================
بقلم المستشار/ محمد زهران - المحامى
مؤسسة زهران للمحاماه والاستشارات القانونية
القاهرة – 8 يوليو 2020
===================================
طيب
قبل ما نبدأ فى الشرح لازم علينا نقول ايه
هو تعريف الخلع ؟!
"
الخلع هو دعوى تقوم الزوجة برفعها ضد زوجها لتطليق نفسها من زوجها فى حالة أنها لا
تستطيع العيش مع زوجها وبينهما كراهيه وتبغضه ولا يوجد أى حلول للاصلاح بينهما
وتخشى أن تقيم حدود الله بسبب هذه الكراهية أو البغض وتقوم بافداء نفسها برد المهر
والتنازل عن حقوقها الشرعية اللى هى (
مؤخر الصداق ونفقة العدة ونفقة المتعة ) "
==================
طيب ملحوظة كده على السريع:
==================
معنى
كده أن الزوجة بعد الخلع بتخسر ( المؤخر – نفقة العدة – نفقة المتعة )
وتفضل
محافظة على التالى :
1-
قائمة المنقولات لان ديه من حقها
2-
الحضانة للاطفال
3-
التمكين من مسكن الزوجية
4-
الولاية التعليمية للأطفال
5-
كافة النفقات والأجور والمصاريف الخاصة بالأطفال
========================
الخلع
ليه اشتراطات فى القانون ايه هى ؟!!
========================
1-
أن تبغض الزوجة الحياة مع زوجها ولا يوجد أى
طريقة لاستمرار الحياة الزوجية وتخاف الزوجة آلا تقيم حدود الله بسبب هذا البغض أو
بسبب هذه الكراهية
2-
تقوم الزوجة برد المهر لزوجها وتتنازل عن حقوقها الشرعية ( المؤخر – نفقة العدة –
نفقة المتعة )
3-
أن تقرر الزوجة صراحة بنفسها أمام القاضى أنها لا تستطيع الاستمرار فى الحياة
الزوجية وتخشى أن لا تقيم حدود الله فى زوجها .
4-
لا تستطيع المحكمة أن تصلح بينهما عن طريق الحكمين
==========
آثار الخلع ؟؟!!
==========
بعد
الحكم للزوجة بالطلاق خلعا ً تبدأ عدتها الشرعية من تاريخ الحكم الصادر من المحكمة
ومعنى ذلك انها تعتبر طلقة يتم احتسابها على الزوجة – بمعنى انها اذا لم يتم
تطليقها سابقا فتعتبر أول طلقة ويجوز الرجوع للطليق خلعا بعقد جديد ومهر جديد –
اذا تم تطليقها سابقة طلقة واحدة تعتبر طلقة تانية ويجوز الرجوع للطليق خلعا بعقد
جديد ومهر جديد – اذا تم تطليقها طلقتان سابقتان لا يجوز الرجوع للطليق مرة اخرى
الا بعد الزواج من رجل اخر ويتم الطلاق بينهما ( طبقا لشرع الله ) وذلك حتى تاريخ
تحرير هذا المقال
==================
طيب ملحوظة تانية على السريع:
==================
يوجد بعض
الأقاويل أنه مقدم لمجلس النواب عند انعقاد المجلس الجديد التعديل الجديد فى قانون
الأحوال الشخصية من ضمن هذه التعديلات هى ان الطلاق خلعا لا يعتبر من الثلاث طلقات
...
======================
الإجراءات
القانونية لرفع دعوى الخلع :
======================
(( المكتب عندنا بيقدم هذه النوعية من القضايا بأسعار مخفضة تقديرا للحالة المادية لكي سيدتى ))
ممكن تدخلى على الويب سايت بتاعنا من هنا 👇👇👇
.https://zahranlawfirm.blogspot.com
ممكن تدخلي على الصفحة بتاعتنا على الفيس بوك من هنا 👇👇👇
مؤسسة زهران للمحاماه والاستشارات القانونية
1-أول حاجة بتروح الزوجة لمكتب التسوية فى محكمة الأسرة التابعة لسكنها فى البطاقةالشخصية أو التابعة لسكن الزوج ايهما افضل لها – مع المستندات الأساسية وهى قسيمة الزواج وصورة البطاقة الشخصية .
2-لما تنتهى من الإجراء السابق تحضر عريضة الدعوى وتقدمها للمحكمة وتعلن الزوج بتاريخ الجلسة .
3-غالبا الزوج مابيحضرش الدعوى هاتتأجل نستغل احنا الاجل ده فى اننا نعمل (اعادة الاعلان – وعرض الصلح – تسمية الحكمين - وعرض المهر على الزوج وهو المهر المكتوب والمسمى فى عقد الزواج ) طب الشبكة والهدايا جزء من المهر الاجابة ( لأ )
4-تحضر الزوجة بنفسها أمام القاضى وتقر أنها تبغض الحياة الزوجية مع زوجها وتخشى أن لا تقيم حدود الله وأن العشرة استحالت بينهما وتتنازل عن حقوقها الشرعية ( المؤخر – نفقة العدة – نفقة المتعة ) أمام القاضى
5-الدعوى هاتتأجل علشان تقرير الحكمين والحكمين هنا دورهم منحصر فقط فى محاولة الصلح بين الزوجين لو فشلا فى الصلح فعليهما محاولة الوصول للطلاق خلعا بالتراضى .
وهايتححد ميعاد مناقشة للزوجة مع الحكم تروح الزوجة تحضر وتتناقش مع الحكم فى دعوى الخلع وتقر امامه انها العشرة استحالت الحكمين هايكتبوا تقريرهم أنهم لم يتوفقوا فى الصلح بينهما أو توفقوا فى الصلح بينهما أو توفقوا فى الطلاق خلعا بالتراضى .
6- بعد تقرير الحكمين القضية جهزت للحكم فيحجزها القاضى للحكم .
7- تروح الزوجة تعرف الحكم فى موعد جلسة الحكم وإن شاء الله يكون بقبول دعوى الخلع وتطليق الزوجة من زوجها خلعا وتعتبر حتى الأن هى طلقة من الطلقات الثلاثة .
8- تستلم الزوجة الصيغة التنفيذية للحكم وتروح السجل المدنى وتستلم وثيقة الطلاق خلعا
لو عايزة تعرفى أى معلومة قانونية ممكن تشوفيها على الموقع ده 👇👇👇 https://zahranlawfirm.blogspot.com
ولو ليكى اى استشارة قانونية ممكن تتركيها هنا أو على الصفحة الخاصة بينا على الفيس بوك 👇👇👇
مؤسسة زهران للمحاماه والاستشارات القانونية
او تقدروا تشرفونا بالاتصال على رقم 01018996661
أو شرفونا فى مكتبنا " مؤسسة زهران للمحاماه والاستشارات القانونية
61 شارع رستم – تقاطع شارع عبد الرحمن – برج الشروق – الدور السادس – حلوان
